ابسط درس فوتو شوب شفته بحياتي

هذا هو الدرس الي طبقت من خلال تصميمي المتواضع
1- افتح الفوتشوب وروح على كلمة ( File ) وتروح ( New )



راح يطلع لك مربع اختار الاحجام اللي تعجبك
وانا بحط لكم حجم البطاقه او التوقيع المناسب بالصوره




بعدها اوكيـه

2- راح تفتح لنا صفحه هذي من عندها نظبط البطاقه
دور لك على خلفيه وصوره تبي تدمج معاها الخلفيه
احفظهم في اي ملجد او بسطح المكتب اللي يعجبك
وبعدها روح نفس اول شي ( File ) بعدها اختار ( Open )وتختار الصور اللي تعجبك وتضغط ( Open )شوف الصوره



3- تروح على صورة الخلفيه
وتختار اداة التحريك



تسحب الخلفيه على الصفحه إلي بتسوي عليها التصميم ..

بعد ماسحبنا الصوره اكيد طلعت لكم بحجم كبير
اضغط بالكيبورد على Ctrl + T مع بعـض وصغر الصوره على حجم الصفحه

4- نبي ندمج الصوره آلثانيه أللحين
ركزو معاي هذي اهم طريقه
تروح على اداة التحديد
اضغط عليها دبل كلك راح تطلع لك اشكال اختار الدآئري


اللحين روح على اختيار ( Feather ) فوق على اليسار شوي .. امسح صفر حط 15 او 20 علشان يكون الدمج بدون مشاكل
وبشكل احلى ,,



أللحين عاد لازم تركزون اكثر عشان نخلص من الصعب ونروح للسهل
سو لك دائره على الصوره بس ماتكون كبر حجم الصوره لا اصغر خلها بشوي شوف الصوره



خلصنا من التحديد

بعدها اختار اداة التحريك



وآسحب الصوره للخلفيه



بعدها اضغط بالكيبورد على Ctrl + T مع بعض وظبط الحجم على مزاجك ويكون راكب مع الخلفيه
للحين الشكل مو اوكيه معاكم صح

خفف اللون وراح تظبط معاك شوف بالصوره وبتعرف





راح يطلع معانا الشكل



بهالطريقه سوينا خلفيه للتصميم جميله
بآقي الكتابه وكيف نظبط الخط ونسوي حركات تزيين لنا البطاقه




تكميل الدرس (B)

بعد ماخلصنا الخلفيه اللحين يبدء شغل الكتابه على التصميم

يالله ركز معاي شوي



نغير اللون قبل لا نكتب نختار اللون إلي نبيه وبعدها نكتب ..
فيه بعضكم ماراح يعرف شلون يكتب .. اضغط على اداة الكتابه وروح للتصميم واضغط على المكان اللي تبي تكتب فيه .. وشخبط ..
واذا بتغير الخط شوف وين تروح



اول خيار على اليسار .. راح يطلع لك بعد ماتضغط على اداة الكتابه
ظلل الكتابه قبل لاتغير الخط علشان مآيعلق الفوتوشوب معآك ,,

ألحين شلون نكشخ الخط :-)
تآبع معاي الصوره


إلي عليها دآئره اضغط دبل كلك راح تطلع لك القائمه يستحسن بعدها تختار اول خيار ,, او اي خيار
راح تطلع لنا قائمه



هذول انت وفكرتك بتجميل شكل الخط .. المهم اني وضحت لك الاشياء المهمه ..
وانت تغير بالخيار طالع للخط وشوف شلون يتغير وسو إلي يعجبك ,,


بعد ماخلصنا من شغل الخط نبي نسوي حركه حلوه
افتح لير جديد


روح على اداة التحديد
وحدد نفس اللي موضح لك في الصوره او فكره ثانيه خاصه فيك



بعدها روح على اداة الصبغ ^_^





اذا مآطلعت لك اضغط على نفس الخيار دبل كلك واختار الاداة

ونروح نصبغ ألمكان إلي سوينه له تحديد .. راح يكون لون قوي ويخرب شكل التصميم ماعليك كمل معاي
بعدها اضغط على
Ctrl + D
مع بعض بيروح التحديد ..

اللحين نروح على ..


ونخفف الشكل على كيفنا ..

راح يطلع معانا التصميم بهالطريقه ,,



انتهى الشرح كذا


الحين نجي الى تطبيقي الى هذا الدرس
وارحب بكل نقد